Nye Eidsmona Næringspark

I samarbeid med Huus Ravnestad Eigedom AS planlegg Vestland Eigedomsutvikling AS å etablere Eidsmona Næringspark. Vi ynskjer å byggje eit nytt næringsbygg i Eidsmona for ulike næringsaktørar i Nordfjord distriktet. Det planlagde bygget vil i stor grad kunne individuelt tilpassast kvar enkelt leigetakar og er såleis eit unikt prosjekt i regionen.

Bygget vil kunne ha ei grunnflate på over 800m2 og kan seksjonerast i ulike størrelsar, både med og utan etasjeskille. Ein del av bygget vil værte sett av til fellesområde for alle seksjonar med bla. kantine/kjøkken, toalett og garderobe.

Sentral lokasjon med god eksponering

Eidsmona ligg heilt sentralt i Gloppen kommune. Med E39 berre eit faktisk steinkast unna er det kort reisetid til alle deler av kommunen.

Med svært god synlegheit frå E39 vil fasadeskilt på det planlagde næringsbygget gje bedrifter god eksponering til forbipasserande langs vegen, i begge retningar.

I snitt passerar det 2500 bilar kvar dag. Den nybygde drivstoff-stasjonen gir også god eksponering på framsida av bygget.

Avstandar:

• Sandane sentrum – 5 min (3,8 km)
• Reed – 10 min (9,1 km)
• Sandane lufthamn – 11 min (12,7 km)
• Rygg – 12 min (10 km)
• Anda ferjekai – 13 min (14,9 km)
• Byrkjelo – 15 min (14,5 km)

Felles grunnpakke for alle seksjonar

Kvar av seksjonane inkluderar ein grunnpakke som inkluderar bla.

• Belysning i tak
• Elektro, VVS
• Brannalarm
• Internett
• Køyreport
• Dør med elektronisk adgangskontroll

Behov utover grunnpakken kan tilretteleggast  kvar enkelt leigetakar med eit tillegg i leiga. Det er også mogeleg å utføre slike tilpasningar sjølve etter nærmare avtale.

Skreddarsydd etter individuelle behov

Alle seksjonar kan individuelt tilpassast for å imøtekome behova til kvar enkelt leigetakar. Tilpassingar som avklarast på førehand er med på å for å forenkle byggeprosessen og ikkje minst redusere kostnadar for alle partar.

Kanskje det viktigast av alt er at seksjonsstørrelsen også kan tilpassast for dei som melder si interesse tidleg i prosjektet. Meir informasjon om dette er tilgjengeleg i vårt eigedomsprospekt.